洛蘭迪死火畢爾包攻「細」難求

猪拉多纳

11/09/2011
文： 自由恒

早前嘅國際賽期，普遍國家隊領隊用人都以狀態為先，英格蘭就以曼市雙雄球員做骨幹，西班牙就寧願起用於西甲開鑼戰入兩粒嘅西維爾前鋒尼格度，都唔肯用完全死火嘅車仔前鋒費蘭度托利斯。

其實除咗費托之外，西班牙仲冷落咗另一位箭頭，就係効力畢爾包嘅洛蘭迪，其實又難怪嘅，呢位高大射手今季狀態仲未歸位，日前對列支敦士登一役，後備入替多次門前失機，今晚帶領畢爾包作客愛斯賓奴，都幾難肩負起入球重任。


愛斯賓奴冇人頂奧斯華度


至於主隊愛斯賓奴今季放走咗箭頭奧斯華度之後，似乎亦未搵到適合嘅替補人選，冇理由仲要靠35歲嘅回巢射手彭迪安尼數胡啩，今晚兩隊都死晒火，1.78倍入球細屬正路之選。（now632台周一凌晨4:00直播）


足球重心：愛斯賓奴（入球細）


馬膽推介：9場2 熊英雄

今日馬季開鑼，相信都係熱門天下。「熊英雄」上季跑1000米已經交出驚人時間，況且亦唔單靠前速搵食，今仗增程1200米唔似應付唔到，難得受讓主要對手「皇帝法令」15磅，唔難喺遠征前爭取4連勝。