比歷連尼叫球迷畀耐性

猪拉多纳

12/09/2011


馬拉加由平民球隊搖身一變成為勁旅，首先要面對嘅就係心態上嘅轉變，如何面對壓力，不過教練比歷連尼就相當有信心，佢話馬拉加一樣可以威脅前列分子，甚至取得歐聯資格。




馬拉加今季用咗超過五千萬歐元增兵，可惜首場聯賽以一比二不敵西維爾，未能開齋，今仗主場迎戰升班馬CF格蘭納達，難免承受壓力。




教練比歷連尼認為馬拉加目前正健康地成長，球迷要畀多啲時間同耐性：「今季我哋嘅目標係取得更好成績，我知道我哋有咁嘅能力，但如果壓力太大，隨時有反效果，最重要係一步一步來，打好每場比賽。」