歐聯初哥百歲牛一 柏辛域陀尼亞唔衰得

猪拉多纳

13/09/2011
文： 樂比堅尼

今屆歐聯其中一隊新丁，就係捷克嘅柏辛域陀尼亞，呢支捷克新貴去年先歷史性首奪捷甲聯賽冠軍，估唔到首次參加歐聯，就可以喺外圍賽突圍，擊敗兩支北歐勁旅哥本哈根及洛辛堡進身決賽周，慶祝球會創會一百周年，真係飲得杯落。




捷克球壇多年來都被當地班霸布拉格斯巴達壟斷，柏辛域陀尼亞有一百年歷史，但多年來都係名不見經傳，甚至一度沉淪落低組別聯賽，球隊首次參加歐洲賽係七一至七二年球季，當時參加歐洲盃賽冠軍盃，但首圈即以一比七大敗喺拜仁腳下。上屆捲土重來，出戰歐霸外圍賽，但兩回合不敵比錫達斯一比四出局。


上下一心誓挫巴迪


吸收過上屆失敗嘅經驗，柏辛域陀尼亞今次出戰歐聯有更佳準備，外圍賽兩圈淘汰哥本哈根及洛辛堡，都係兩回合均獲勝，贏得相當有說服力，呢隊波重用土炮，主力清一色係捷克及斯洛伐克球員，令球員有歸屬感，球員坦言「兄弟班」係球隊成功嘅主要原因。




講番推介，柏辛域陀尼亞今晚H組主場出戰有基士文加盟嘅白俄兵團巴迪，基士文踢亞協就唔多掂喇，究竟踢歐聯會唔會好啲？照外圍賽嘅表現睇，樂比仔就睇好主隊多啲喇。




（周三凌晨2時45分開賽）