韋根起兵圍剿水晶宮

猪拉多纳

13/09/2011
文： 走肖

英聯盃第2圈仲有兩場未踢，當中水晶宮今晚主場對韋根比較有睇頭，兩隊同樣剛啱結束不敗走勢，但韋根有新簽嘅些路迪翼鋒馬隆尼（下圖）登場，賽前佢話熟晒韋根陣中嘅蘇格蘭同鄉，正所謂好波不如有好隊友，睇好馬隆尼發威要捧2.1倍客W。（開賽時間：周三凌晨3:00）

上仗留力英聯盃出擊

其實轉會市場關閉前，韋根領隊馬天尼斯掃入3個球員，佢形容為艾美利亞王牌嘅中場古沙特，已經喺日前韋根淨吞曼城3蛋嘅比賽後備上陣，至於些路迪中場馬隆尼同李斯特城後衞雲安荷特，今晚英聯盃第二圈賽事先會出場，擺明上仗因對手太強故意放棄，留番英聯盃先出擊。由於韋根原本已經有3個蘇格蘭國腳，馬隆尼應該好快可以撻着，贏水晶宮唔難。

英甲撐華素爾主W

英甲方面，華素爾主場對奧咸，主勝抵玩。雖然華素爾2連敗，但奧咸有保羅布力克養傷，新加盟嘅賓特利迪亞路又要停賽，依家冇正宗左後衞用，搞到要中場大衞美羅串演左閘，就算新簽嘅34歲射手古基連續2場入波，睇怕都做唔到救星。（開賽時間：周三凌晨2:45）

英格蘭聯賽盃賽制：

今輪為第2圈賽事，一場過決勝負。若法定時間內打成平手，將加時30分鐘，再和則互射12碼決定晉級球隊。