賠率有路捉：咁都得票數夠堅

猪拉多纳

　　今晚八場賽事，竟然有六場嘅票數搵到重心，獨贏位置大熱門一度重疊喺同一隻馬上，真係咁穩陣？不妨留意大熱。

　　另外，第三及四場WP大熱分散在兩駒上，不約而同，位置熱門都係姚廐馬，分別係「王者先鋒」及「超晒班」，投XW時要小心。

　　怪飛馬方面，頭場「咁都得」票數好勁揪，佢上季最後兩仗，仲係90幾倍馬，五月七日拉士一役學人跑泥地，輸足25個馬位，今次竟然得13倍W？相信同佢暑期課閘有關，嗰時佢可以高速放頭，壓倒上季尾四班贏馬的「海王子」掄元，唔多唔少令人有啲憧憬，或者真係咁都得﹗值得博一博。

柏寶騎師王惹飛

　　騎師王方面，柏寶去完日本返嚟，立即做騎師王賠率大熱，得2.75倍，韋達雖然都跟得貼，得3.75倍，但前者手執兩匹大熱，一於揀佢。

周仲