龍城動力馬主督操

猪拉多纳

昨早課未算熱鬧，不過徐廐「龍城動力」馬主探班，卻成為焦點所在。
       
凱旋無敵、龍城動力

兩位團體成員梁麟及蕭楚基，六點未夠已出現烽火台，而石哥亦隆重其事，親策另一匹賽程馬「凱旋無敵」作伴拍跳，石哥直路上頻頻側住頭留意「龍城動力」後追走勢，兩位馬主於烽火台地下，齊齊舉鏡睇實整個過程。
       
兩位馬主睇到聚精會神。

其實兩位馬主於開季前已曾兩度於晨課探班，昨日愛駒最後試跑又見孖公仔到場，緊張之情可見一斑。