史篤城愈執愈正打爆基

猪拉多纳

15/09/2011
文： SAMVO肥叔

歐聯首個賽日出現冷門賽果，衞冕球隊巴塞隆拿對住AC米蘭贏唔到，臨場巴塞讓到兩球，真係誇張。AC假假哋係歐聯常客，實力唔係差咁遠，大戶今次力捧巴塞，肥叔扒逆水要下盤，結果順利頂住，巴塞又一次累街坊。




今晚輪到歐霸盃上演，對參賽球隊或菠菜公司而言，呢個賽事只屬雞肋，大家都係小注為妙，玩多少睇波娛樂吓算數。英超球隊熱刺上場於聯賽對狼隊，大戶睇好狼隊，但熱刺最後成功贏波，反映呢班波始終有分量，今次於歐霸盃對PAOK可秤先。


伯明翰踢歐霸未夠班


講番今次重心推介，基輔戴拿模主場對史篤城，捧客隊！史篤城係正宗英國波，實牙實齒砌畀你睇，呢隊波愈執愈正，早前成功戰勝利物浦，賽績冇花冇假，今次面對烏克蘭褪色勁旅基輔戴拿模，史軍受讓呢隻下盤捧得過，可兼顧埋入球大。




同日伯明翰主場對布拉加，伯明翰於英冠踢得麻麻，出戰歐洲賽輸晒級數。布拉加之前踢過歐聯，實力唔曳，平手下盤值得一試。