馬體會快炒些路迪

猪拉多纳

15/09/2011


歐霸盃I組賽事，馬德里體育會主場迎戰些路迪。些路迪藉上圈對手錫永違規而意外獲得分組賽資格，但「綠白兵團」近年在歐洲賽成績不濟，主要因為「唔夠班」，作客更難寄厚望。馬體會在西甲開咧後仍未開齋，正好將鬱悶發洩喺些路迪身上，加輝認為馬體會「讓球主勝」及「半場勝」均值得捧場。




（有線63及203台周五凌晨3時05分直播）




瑞士球會錫永因派違規球員落場，被歐洲足協取消資格，並由些路迪頂上。雖然些路迪意外地躋身歐霸分組賽，但佢哋近年嘅歐洲賽成績「有目共睹」，上季在歐聯外圍賽先遭布拉加淘汰，殊不知「降級」參戰歐霸亦踢唔掂，附加賽遭烏德勒支擯出局，連分組賽都入唔到。其實些路迪今季情況亦差唔多，本來已遭錫永淘汰，但因後者違規先意外「復活」，反映些軍近年已經唔夠班立足歐洲舞台。


「讓球主勝」「半場勝」雙投


若論實力，今季大換血嘅馬體會絕對在些路迪之上，加上馬體會今季聯賽開咧後仍未開齋，新帥文沙奴為紓緩壓力，今場肯定搵些路迪祭旗，阻止連續三場不勝發生。加輝認為馬體會鬥心旺盛，應可輕取對手，不過主W比較熱唔值博，所以建議捧分頭較好嘅「讓球主勝」或「半場勝」。