|
|
15/09/2011
文： 力奇
辛辛苦苦透過外圍賽殺入分組賽，英超史篤城竟然因為嫌遠，就寧願喺今晚歐霸盃E組首場分組賽，選擇半力出訪烏克蘭嘅基輔戴拿模。要知道基輔近排7連勝狀態大勇，仲有把「生銹軍刀」舒夫真高壓陣，要屠城都綽綽有餘啦！今場我捧1.72倍主勝。（有線64及204周五凌晨1:00直播）
史篤城作客嫌遠半力出擊
史篤城喺今屆分組賽3場作客波要去勻烏克蘭、土耳其同以色列，夾埋飛11,000哩，舟車勞頓影響唔細。雖則話佢哋今季表現神勇，歐霸盃連英超踢8場未輸過，上周英超仲連利物浦都砌低埋，但就因為佢哋領隊佩尼斯緊張英超成績，唔想班波去完烏克蘭，今個周日返嚟唔識贏新特蘭，就宣布今次唔會夫添出征。
據知，新兵前鋒高治同後防主力厄遜都有輕傷在身唔會去，新星門神比高域亦留喺英格蘭，搵老將蘇連遜頂上算數，再加上艾法寧頓同「手榴彈」專家戴納都因傷唔踢得，反而上仗復出踢咗19分鐘嘅柏拉西奧斯，就會作新季首次正選，擺明當為聯賽熱身。
基輔呢邊，家陣喺烏超排第2，佢哋近排喺各項賽事攞到7連勝氣勢勁爆。陣容上，佢哋前場有經驗老到嘅舒夫真高孭飛，中場又有巴西新星杜度派牌，要贏殘陣嘅史篤城又有幾難？
|
|
金睛卡
发表于 2011-9-15 07:20
变色卡
显身卡
发表于 2011-9-15 10:34
