拉素二線兵照炒華斯路伊

猪拉多纳

15/09/2011
文： 牛奶仔

歐霸盃D組賽事，拉素講明會以輪換制喺主場出擊，迎戰羅馬尼亞球隊華斯路伊，但一眾副選實力仍遠勝對手，1.85倍「讓主」抵玩。（有線63及203周五凌晨1:00直播）


贏歐洲賽經驗


拉素上周開咧戰作客2:2逼和AC米蘭，可謂達到賽前要求，同時亦見到新戰術非常成功。「藍鷹」喺今夏大舉增兵，好似簽入前鋒高路斯、施斯等高質球員，藉以加強板櫈深度。教練利查賽前表示今晚會畀上場部分正選休息，改派副選門將馬捷迪、後衞莫迪保迪亞基特、中場艾華路干沙利斯、馬度沙林同射手洛基等落場，加上前鋒施古利亦有望傷愈復出，以呢班人腳對住華斯路伊可謂綽綽有餘。




華斯路伊雖貴為上季羅馬尼亞聯賽季軍，但呢支小型球會缺乏歐洲賽經驗，08年才首次踏足歐洲賽場，但8場歐戰作客賽事僅得1勝，對上4次更全敗兼冇波入，實力難以同歐戰經驗豐富嘅拉素相比，「藍鷹」呢3分應可袋袋平安。

有赢不输