走出谷底 4連勝 AIK「客W」得「米」

猪拉多纳

15/09/2011
文： 阿當K神

今晚瑞超獨腳戲，聯賽「三哥」AIK蘇納挾住4連勝強勢出擊，更有新兵艾德哥拉處子亮相，作客到訪連續兩場冇波入嘅米贊比，受讓1球梗係要1.45倍「讓球客勝」啦！（開賽時間：周五凌晨1:00）


米贊比射手喊走或入雪櫃


AIK蘇納成功走出兩連敗谷底後，最近4場聯賽全勝兼只失1球，7個入波更加係由6名球員包辦，入球點非常分散。客隊今場有中場柏夫呢位長期傷兵倦勤，以及中場丹尼爾臣停賽，不過早前因行政問題導致無法離境嘅多哥中場艾德哥拉，日前已經抵達瑞典並隨隊練習，有望於今仗處子登場。




早前氣勢如虹嘅米贊比最近大跌Watt，連續兩場比賽冇波入，錄得1負1和成績，跌到落聯賽榜中游位置。今場佢哋有後衞羅辛倫及中場奧斯亞高刑滿復出，不過表現出色嘅前鋒盧夫基斯近日拒絕同球會續約，盛傳會轉赴意大利搵食，今晚隨時被雪藏。睇埋往績，近4次交手AIK錄得2勝2和未輸過，今次作客出擊亦唔難全身而退。