賴恩巴布弗爆 賀芬咸大起禾堡

猪拉多纳

17/09/2011


今晚德甲仲有賀芬咸主場鬥禾夫斯堡（周六晚9時30分開賽），賀芬咸嘅前利物浦翼鋒賴恩巴布近期大爆發，佢話會付出更大努力，爭取早日重返荷蘭國家隊。




賴恩巴布17歲就代表阿積士喺荷甲上陣，翌年已經為國家隊對羅馬尼亞取得入波，2007年以1,150萬歐元轉會費加盟利物浦，並喺首個球季當選球隊最佳年輕球員，可惜此後每況愈下，上季被賣到賀芬咸仍然低迷，踢咗15場只入1球。不過，今季佢終於回復信心，連同上仗對緬恩斯梅開二度，5場比賽已經為球隊射入3球。


6次交手全開大


除咗賴恩巴布，賀芬咸今仗仲有中場大將沙利荷域同基菲爾施古臣傷愈候命，攻力進一步提升，今晚對住啱啱贏咗史浩克04嘅禾夫斯堡，兩軍歷史上6次交手全部開大，呢場1.68倍嘅入球大亦係過關佳選。