AC謝皮唔夠里揪

猪拉多纳

18/09/2011
文： Mic少

AC米蘭上周中歐聯戲劇性逼和巴塞隆拿，贏得掌聲，但亦付出好大代價，奇雲保定、岩布仙尼及森保達都勇戰受傷，加上原本一大班「十字兵」，教練阿里基面臨冇後備可用困境，AC疲兵今晚意甲作客拿玻里，形勢危危乎，平手盤撐拿玻里。




（now 633周一凌晨2時45分直播）




兩隊上周中都踢過歐聯，但AC米蘭過程辛苦好多，全場畀巴塞圍攻，全靠兩位老將尼斯達及施多夫支撐大局，先至奇迹攞到一分，但兩位老人家已經三十五歲，喺咁激烈嘅比賽搏足九十分鐘，好難回到氣。前鋒卡斯辛奴早前為國家隊連接作賽，加上球會賽事頻密，已出現疲態。


踢完歐聯大鬧兵荒


最大鑊係AC鬧兵荒，前鋒伊巴謙莫域、中場加度素、法米尼、奇雲保定、岩布仙尼、後衞泰禾、麥薩斯及森保達都有傷在身，羅賓奴、恩沙基未夠態比賽，AC幾乎冇後備可用，靠上仗歐聯疲兵再戰，確實牙煙。




拿玻里除咗聯賽旗開得勝之外，上仗歐聯亦令近期出盡風頭嘅曼城狼狽不堪，兩位進攻主將卡雲尼及咸錫只係二十四歲，年輕力壯，加上由國米來投嘅彭迪夫，足以衝散AC米蘭防線。

有赢不输