卡坦尼亞飛勁唔怕跟

猪拉多纳

18/09/2011
文： ComboKing

意甲卡坦尼亞今季最大焦點唔係球員收購，而係從羅馬引入教練蒙迪拿。「飛機仔」上季尾執教羅馬表現唔錯，最重要係得到托迪及迪羅斯等球隊大哥信任。可見蒙迪拿好識同球員打好關係。本周卡坦尼亞主場對切塞納，預計卡坦尼亞可以輕鬆勝出，主Ｗ可優先留意。




（周日晚9時開賽）


往績食住切塞納


卡坦尼亞前線今場仍會倚重麥斯盧比斯爭取入球，本來季尾傳出有唔少球隊想斟佢過檔，包括拉素以及祖雲達斯，但最終呢前巴塞射手都係選擇留効。蒙迪拿話「麥斯」踢法好似佢，今季球隊靠晒佢孭飛咁話喎。既然得到新帥點名讚許，「麥斯」梗係要交足功課答謝教練及球迷支持。




切塞納早年喺意乙已經畀卡坦尼亞食住，就算去季升上意甲，兩個循環亦都贏唔到卡坦尼亞，擺到明畀人剋死。雖然暑期有梅度加盟，但呢位羅馬尼亞前鋒已不復當年勇，如果唔係費倫天拿又點會放人。而隨着大衞辛頓及長友佑都相繼離開，切塞納好難再有奇迹，今場機會一般。




另外喺賠率方面亦露玄機，事關卡坦尼亞近三次主場對切塞納，主W賠率都超出2倍，但今次卡坦尼亞竟熱至1.9倍，明顯受到操盤手所重視。




此外，博洛尼亞對萊切，細盤可留意。兩軍都欠入球把握，今次對決會係大悶戰。最後帕爾馬主場對基爾禾，「讓球客勝」可留意。基爾禾踢法穩打穩紮，帕爾馬唔易攻破其大門，基爾禾受讓咪錯過。

有赢不输