熱刺聯賽盃靠唔住

猪拉多纳

18/09/2011
文： 力奇

嚟緊周中開快車，投X人士真係要打醒百二分精神，特別係成堆英格蘭聯賽盃賽事，英超強隊諸如熱刺同曼聯都好大機會玩輪換，落早盤要有個心理準備。




熱刺上周中用B隊踢歐霸盃，為嘅就係留力今晚打紅軍。佢哋領隊夏利列納講到明，嚟緊聯賽盃會用到3號門將靴里奴高美斯把關。咪話力奇潑冷水，呢位巴西門神雙手攤到凍晒，點信得過。反而史篤城想透過聯賽盃爭歐洲賽資格，鬥志仲高。


曼聯副選都夠砌


同樣情況當然仲有曼聯，以前紅魔鬼踢聯賽盃用小將，今季隨時係一大班星級後備同老將擔正至真。睇番上周佢哋踢歐聯，咪就係傑斯、卡域克同費查等孭飛，今次鬥列斯聯都好大機會用佢哋，再唔係咪加埋個失寵射手貝碧托夫囉！

有赢不输