奧沙散晒西維爾踩多腳

猪拉多纳

20/09/2011
文： 法比加輝

西甲開快車，周三凌晨有奧沙辛拿主場戰西維爾。奧沙辛拿日前慘遭巴塞隆拿蹂躪，作客魯營淨吞八蛋，拍得住阿仙奴！但其實奧沙之所以大敗，主要係球隊受大量傷兵困擾，而今場仍以不整陣容應戰，睇怕都難以閃電翻身，平手盤加輝推介客隊西維爾。(now 632周三凌晨2時直播）


奧沙辛拿吞完8蛋又唔齊腳


奧沙辛拿於上輪聯賽災難性輸八球，除咗實力與巴塞差一截之外，咁羞家主要因為多主力缺陣，沙治奧費南迪斯、尼古納姆、伊查迪、索查及列斯高都要養傷，咁唔齊腳輸多幾球畀巴塞都唔奇啦。最慘係除咗尼古納姆已經復操，今場有機會披甲之外，其餘都未有咁快復出，所以奧沙今晚續以殘陣出戰。




反觀西維爾傷兵唔多，而且今季冇晒歐洲賽包袱，聯賽明顯踢出應有水準，三戰兩勝一和排第四，係其中一支開季理想嘅西甲兵。再者，西維爾在往績上亦略為佔優，兩軍近四次對賽中，西維爾就贏咗三次，所以今場開平手盤，加輝認為客軍值得捧場。