科蘭唔聽教 國米內亂惡化

猪拉多纳

20/09/2011


國米上場聯賽雖然打和羅馬終止三連敗，不過表現仍未令球迷滿意，其中教練加斯柏連尼的領軍能力更備受質疑，盛傳佢喺上場換走烏拉圭前鋒科蘭係因為對方唔聽指令，內部問題似乎正在進一步惡化。


加斯柏連尼能力受質疑


唔少國米球迷都好奇怪，點解加斯柏連尼上仗要喺爭取贏波嘅情況下，於比賽末段以防守中場蒙達利入替前鋒科蘭，變相減低進攻力，有意大利電視台事後踢爆，原來科蘭在比賽中多次冇聽加帥指令，唔肯退守後場協助防守。另外加帥在場邊向莫路沙拉迪教路，後者亦當耳邊風，將帥之間明顯有不少問題存在。加帥早前排陣已受不少球評家及球迷大肆抨擊，如果連班球員都管唔掂，成績又冇改善，前途真係凍過水。