列斯紅魔「細」成水火！

猪拉多纳

20/09/2011
文： 走肖

仇人見面，分外眼紅，今晚列斯聯喺英聯盃第3圈主場再遇曼聯，肯定踢到飛沙劈石，事關列斯聯18個月前曾經以甲組仔身份，爆大冷喺足總盃作客以1:0將紅魔踢出局，導致兩隊牙齒印加深，呢場波火藥味勁濃，可能踢人多過踢波，唔似多波入不如博2.4倍入球細。（now638台及廣東體育周三凌晨2:45直播）




列斯聯係利物浦同曼城外，曼聯傳統最大死對頭，70年代已經結怨，去到奧拉利領軍時期，佢帶領嘅列斯聯幾乎將曼聯推冧，假如以90分鐘計算，兩隊近6次碰頭有5次開入球細，包括前屆足總盃，當時未升上英冠嘅列斯聯作客以1:0打沉曼聯，證明兩隊為咗面子，每次交手都唔願畀對方入波。


近6次交手5度開細


雖然列斯聯後衞基斯諾保上場聯賽被逐，今場要坐波監，但領隊格雷臣話明要再落曼聯面，肯定唔會隨便扯白旗，就算列斯聯開季9場都未試過保持不失，都唔代表今場一定開入球騷喎。紅魔嗰邊，近排佢哋的確入球停不了，但問題係陣中傷兵滿營，為免再有球員受傷，領隊費格遜相信會吩咐球員就住踢。


曼聯硬仗連場唔敢搏


唔好忘記，跟手曼聯要喺聯賽作客史篤城，要連續應付踢法超硬淨球隊，畀着你係費爵爺，都唔會嗌球員喺呢個時候立亂同對手硬碰啦係咪？再講，今場曼聯好可能用比迪基亞更穩健嘅連迪加特把關，為咗爭正選，佢點會輕易畀列斯聯啲二流攻擊球員入波？信得過佢，就更加要玩入球細博收錢。


橫數千軍


 列斯聯交手不敗率過5成




‧過去對曼聯得26勝35和45負，不敗率58%。

‧對上2圈對唐卡士打及巴拉福特分別僅勝1球。

紅魔半場6戰不敗

‧連續6場半場不敗，3次領先、3次打和。

‧上屆8強作客0:4不敵韋斯咸出局。