白禮頓利物浦焗捱細界

猪拉多纳

21/09/2011
文： 麥馬拿仁

英聯盃第三圈，利物浦兩連敗後必以強陣作客英冠白禮頓，預料蘇亞雷斯、安祖卡路爾、麥斯洛迪古斯甚至謝拉特都會上陣；但白禮頓唔嘢小，防守硬淨信心爆棚，上圈就曾同新特蘭互交白卷，今場料戰情膠着，捧細盤！ （now 639周四凌晨2時45分直播）


謝拉特或復出上陣


本季紅軍缺席歐洲賽，故連英聯盃都要爭，上圈作客甲組仔埃克塞特都強陣出擊，連拿守龍門，中場出查理阿當、佐敦軒達臣、魯爾梅利斯，最終蘇亞雷斯同安祖卡路爾都有波入。二連敗後領隊杜格利殊更唔敢玩嘢，一眾球星必壓陣，杜Sir賽前講明，養傷半年嘅「謝老四」已經喺佢老人家心目中大軍名單，只要謝拉特Ready，必會派呢名「紅軍Icon」上陣，可惜球隊作客一向麻麻，而且目前大軍信心一般，縱有控球權亦難大炒。




白禮頓於前車路士名將普耶麾下演出一流，班波好有隊形，本季升上英冠後目前高踞第三位，以後防緊密著稱。上圈鬥「黑貓」完全守得住，今晚死守亦勢令紅軍陷於苦戰。