紐卡素計啱數博主W

猪拉多纳

24/09/2011
文： 山度士

度士縱橫球圈咁多年，睇盡球壇百態，但有一點係永恒不變，就係一隊波士氣唔好，球迷又唔支持，就好難踢出好成績。布力般流浪本季戰績低落，領隊堅恩全面辣興球迷，搞到帥位極度不穩，上仗雖然好彩搞掂阿仙奴，但問題唔會咁易解決，今晚作客紐卡素，或者就係現形時候。


布力般領隊堅恩聽炒


堅恩上季中接手布力般，一直都缺乏代表作，呢名領隊資質平庸，球迷對佢咁唔滿意，並非無的放矢。雖然現時球會領導層，對外仍然宣稱對佢全力支持，但世事多變，堅恩如果唔可以短時間內提升戰績，落台相信係遲早嘅事。




其實布力般一向實力平庸，球隊今夏來港獻技，整體演出認真麻麻，全隊都冇個重心球員，如果老細真係有心搞波，真係要正視問題，早日搵個有料領隊踢走堅恩，先係治本上策。




布力般未來前途黯淡，相反今晚對手紐卡素就穩步上揚，內部管理安定下來，自然能交出成績，本季聯賽五戰二勝三和都未輸過，表現四平八穩，畀人應贏則贏嘅感覺。「喜鵲」今季目標應該係打入聯賽前十，度士對佢哋好有信心，而領隊柏杜係老江湖，自然好識計數，對住勁旅唔夠打唔緊要，主場對弱旅一定以三分為目標，今場必踢得肉緊，捧主Ｗ啱數。（有線203及303台周六晚10時直播）




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。