皇馬華歷簡奴 夾手夾腳做「大」騷

猪拉多纳

24/09/2011
文： 吉拿甸奴

靚仔、有錢又出名嘅C朗，近期又成為口誅筆伐對象，皇家馬德里今晚喺西甲主場對華歷簡奴，C朗冇理由容許自己連續4場冇波入，特別係皇馬已經創出近6年最差開季成績，斷估佢都唔會放過華歷簡奴咁順攤，就算入球大細中位數3.5球，都要照追1.62倍大！（now632及660台周日凌晨2:00直播）


開季戰績差要交代


自從C朗話自己「靚仔、有錢又出名」，搞到對手妒忌追踢佢後，西班牙傳媒就執住呢句說話窮追猛打，有電視台甚至話調查發現，其實75%球迷根本唔覺得C朗靚仔，大家知啦，佢喺球場上唯我獨尊，咁樣畀人唱衰絕對係屈辱，而且皇馬日前賽和桑坦德，C朗畀人話亂射5腳冇次中目標，唔嬲就假。




仲有呀，開季4場聯賽得7分，屬於皇馬近6年最差開局，如果主場唔開番場入球騷，「寸王」莫連奴點同高層交代呀？華歷簡奴方面，升班後有1勝2和1負表現唔曳，期間得主場對薩拉戈薩打和0:0冇波入，新加盟嘅射手達蒙度更加喺上場波開齋，就算中場柏祖保迪路停賽，都有條件同皇馬駁火鬥入波。