巴塞馬體會「大」鬥法

猪拉多纳

24/09/2011
文： 鄭少偉

近年歐洲經濟唔好，各球會增兵都計晒數先入貨，巴塞同馬體會兩支西甲豪門，今夏齊齊買咗件4,000萬歐元（約4.2億港元）先生：法比加斯同法卡奧！家陣呢兩位「法生」入波入到唔識停，今晚巴塞鬥馬體會，佢兩位老哥會正面交鋒大鬥「法」，入球肯定源源不絕！（now632、660台及廣東體育周日凌晨4:00直播）




原本巴塞喺「無敵魯營」迎戰馬體會，係幾值得睇好，話晒佢哋開季兩次主場聯賽入咗13球兼零失球，不過佢哋條防線近排真係好唔掂，始終後防冇咗碧基真係差好遠，無論用布斯基斯、馬斯真蘭奴定艾比度客串中堅，都非常唔穩陣，加上佩奧爾傷愈復出後未去到最弗，對AC、皇蘇同華倫都失2球，就係最好嘅證明。


法比仔聯賽場場有士哥


當然，巴塞最煞食嘅始終係入球能力，尤其係法比仔，近4場聯賽場場有波入，今場如果入波仲會追平施撒、伊巴謙莫域所創嘅紀錄，難怪巴塞主席羅素爾賽前大講風涼話，話4.2億身價嘅法比仔係物有所值啦！不過，條鋒線喪入波又如何？後防隨時失番咁多，你話巴塞係咪贏硬？「亨利」就覺得真係好難講。


法卡奧近3戰勁入6球


大家咪忘記，對家馬體會都有件弗到爆嘅射手法卡奧，起初「亨利」都以為呢位身價4.2億嘅哥倫比亞前鋒，點都要適應一排新環境先交到貨，點不知佢死球左右腳頭槌瓣瓣掂，近3戰仲喪入6球，就算中場借將迪亞高有啲傷未知落唔落場，作客去到魯營要入波？一樣冇難度！所以小弟認為與其捧1.42倍巴塞「讓主」，倒不如改玩中位數係3.5球嘅1.78倍入球大仲穩陣！


巴塞 主場對賽「大」晒


‧近5次主場對馬體會全勝兼開入球大。




‧法比加斯連續4場聯賽入波。

馬體會近3戰入10球

‧連盃賽3連勝，入10球、冇失球。

‧連續9場半場不失，當中5次領先。