勁加勁磨利起筷

猪拉多纳

　　鄭俊偉馬房今日有四駒參戰，全部實力不弱，馬房消傳出以列陣第六場四班1400米的「勁加勁」最值得睇好。此駒潛力非凡，上季加眼罩後三戰更取得一冠一亞，足證此配備幫助甚大。

　　雖然上季尾「勁加勁」於田草1600米大熱倒灶，但經過暑期休息及重新操磨之後，現時成熟程度大增，埋門更加強工夫，狀態起得更靚。此駒本由杜利萊一手操好，但可惜他今戰停賽，未能親自操刀，由於此駒狀態已谷起不能久等，故改用勞愛德執韁，希望把握機會搏殺。

　　上季「勁加勁」以快放戰略於1600米帶返，可見其實力非凡。其實此駒可放可留，性能廣泛，今次出爭1400米亦不會嫌短，續戴眼罩上陣，預期可交出水準，同場對手不算太強，足以在此取勝。

　　何良馬房方面，四次賽事之後暫得兩冠一亞三季，可見戰意旺盛。今日何廐亦有多匹實力馬參戰，其中最要留意出爭第七場三班1600米的「家傳碧玉」。此駒上季只跑過兩場賽事，均出爭中短途，對此駒來說不太合適，落敗亦屬意料中事。

家傳碧玉增程掂

　　踏入今季，「家傳碧玉」於開鑼日已上陣，出爭嫌短的田草1200米，馬兒末段亦有追勁交出，只輸給頭馬「皇帝法令」五個身位得第七，表現其實不差。今番此駒增程至1600米，必更合其發揮，馬已試準，且抽得好檔位，改配手風頗順的梁家俊，可替牠打開勝利之門。