本地波仲有得掹

猪拉多纳

25/09/2011
文： 黃興桂

Peter細細個開始接觸足球，至今已超過六十個年頭，不過心態上一點也不覺得老，因為Peter無論踢波、教波，永遠都抱住全心全意嘅態度，哪管目前只係執教一支丙組球隊荃灣，從中依然可以尋找到足球應有嘅樂趣。

能夠執教皇馬、巴塞、曼聯等世界級球會當然係唔少教練嘅夢想，不過站在個人立場，只要全心去投入，感覺一樣好開心。近年唔少球迷都話香港足球冇得救，其實凡事唔應該先入為主，好多媒體、球迷睇嘢淨係睇表面，報道永遠都係負面新聞，令本港球圈常常背起一個負面形象。

其實大家應該面對現實，拿本港和英格蘭、西班牙等地相比當然有距離，但Peter今年先後參與車路士學校、荃灣地區嘅足球工作，知道好多市民都好關心本港足球，論普及性其實遠勝其他運動，只要改變傳媒、球迷對本港球市嘅負面態度，香港足球依然有希望。