不來梅回魂大起哈化

猪拉多纳

25/09/2011
文： 蘇斯黑柴

德甲第七輪壓軸戲雲達不來梅主場鬥哈化柏林，不來梅近季成績梅花間竹，經過一季低潮後又見復興，主場遇上升班馬哈化贏面高，1.72倍主W值得捧場。此外，雙方近十次碰頭全開大盤，1.57倍入球大亦可用作過關重心。（有線61及201台周日晚11時30分直播）

不來梅經過上季低潮後重新執位，雖然唔夠財力作重量級收購，轉會窗關閉前仲放走埋防線領袖梅迪薩卡，不過暑假收購極具針對性，新加盟嘅安達斯禾夫、柏柏斯達夫普路斯、盧卡斯舒密斯同小將伊格尼奧夫斯基有效改善過去後防不穩毛病，加上得到創造力十足嘅前拜仁小將伊基斯來投，足以畀到前線比沙路、肯特同馬高馬連有效嘅支援，球隊攻守更見平衡。

不來梅近季成績梅花間竹，但有個特點係慣性同班霸拜仁慕尼黑拍住上，佢哋上次聯賽冠軍係03/04球季，拜仁當季得亞軍，而近三次拜仁攞冠軍，佢哋都能夠位列三甲，相反近兩次拜仁失冠，大前季禾夫斯堡封王，不來梅只排第十，上季多蒙特奪標，佢哋排名更跌落十三位，拜仁今季換帥增兵後變成大超班領導群雄，不來梅亦唔執輸，目前以四勝一和一負佳績排次席，今晚主場遇上質次一皮嘅哈化贏面甚高。


近十次碰頭未細過


哈化柏林今季升班，倚靠大批拜仁棄將支撐，上仗主場面對降班膽奧格斯堡都贏唔到，材料有限。

但佢哋擅長快速反擊，所以作客踢高一皮波，今晚對住有門將韋爾斯停賽嘅不來梅就算唔夠踢都會有波入。兩軍近十次碰頭全開大盤（見附表），今仗主W同入球大值得雙投。


不來梅Vs哈化 德甲十連大


06/02/10 不來梅 2:1 哈化

30/08/09 哈化 2:3 不來梅

19/04/09 哈化 2:1 不來梅

01/11/08 不來梅 5:1 哈化

05/04/08 哈化 1:2 不來梅

20/10/07 不來梅 3:2 哈化

06/05/07 哈化 1:4 不來梅

02/12/06 不來梅 3:1 哈化

11/03/06 不來梅 0:3 哈化

01/10/05 哈化 1:2 不來梅