馬里迪莫 弗爆掃雷

猪拉多纳

25/09/2011
文： 巨高

今晚一級方程式賽車上演新加坡分站，而紅牛車手維度爾好有機會提早封王。以佢今季嘅成績，提早成為車手總冠軍只不過係時間問題。其實維度爾上季贏總冠軍，好多人都質疑佢，包括巨高在內。但睇過今季之後，我都要寫過服字，甚麼Crash Kid早已被拋到十萬八千里外。點講都好啦，今季車手總冠軍已經冇懸念，只希望法拉利嘅阿倫素可以畀到多少壓力維度爾，為車迷來一場緊張又刺激嘅比賽。


3連勝食住上


足球方面，深夜時間葡超馬里迪莫主場對甘馬雷斯。近期馬里迪莫殺得性起，聯賽三連捷兼開大，狀態弗到你唔信。甘馬雷斯今季退步，戰力不如上季，主W穩開。
（周一凌晨2時15分開賽）