不來梅哈化 駁火做「大」騷

猪拉多纳

25/09/2011
文： 郭球奇



雲達不來梅 Vs 哈化柏林


雲達不來梅今季表現回勇，可惜今晚主場對哈化柏林，後防甩皮甩骨，「有前冇後」呢個舊病隨時復發，畢竟對手哈化柏林近況唔嘢小，球奇覺得佢哋好大機會延續近年交手特點，再次開出1.57倍入球大！（有線61、64、201及204周日晚11:30直播）

仲記得早幾年不來梅踢法有前冇後，球奇次次見佢哋出場，合埋眼追入球大同其他贏贏到笑。今季呢支德甲傳統勁旅喺教練舒哈夫重整下，表現回勇，重演「火力王」本色，開季6戰射入12球，3大箭頭比沙路、羅辛貝治同阿拿奧杜域表現都極之對辦。


正選門將坐波監有前冇後


咁後防呢？本來不來梅今季防線都算做不過不失，不過今晚主場對哈化就好難講，事關正選門將韋爾斯上場領紅，今場起停賽3場，改由小將美亞列斯把關，正選後衞柏柏斯達夫普路斯亦因拉傷肌肉，今晚肯定缺陣，後防突然冇咗2位主力，甩漏難免，何況不來梅上周對紐倫堡喺雨戰下消耗大量體力，教練舒哈夫近日都唔敢叫球員練波，改同球員踩個半鐘單車，呢個亦係球奇今場唔推介主勝，改捧大盤嘅主因。

今季重返甲組嘅哈化柏林，近況全面復甦，自揭幕戰主場不敵紐倫堡後，之後5場聯賽都保持不敗，而且場場有波入，今晚作客不來梅絕對係駁火格。事實上，兩隊近6次交手，場場都開大，今晚絕對值得再追！


不來梅對哈化愛鬥大


日期 戰果

2010/02/05雲達不來梅 2:1 哈化柏林

2009/08/30哈化柏林 2:3 雲達不來梅

2009/04/19哈化柏林 2:1 雲達不來梅

2008/11/01雲達不來梅 5:1 哈化柏林

2008/04/05哈化柏林 1:2 雲達不來梅

2007/10/20雲達不來梅 3:2 哈化柏林