AC傷鋒歐聯新仔掛帥

猪拉多纳

25/09/2011
文： 吉拿甸奴

有頭威未必有尾陣，AC米蘭歐聯首戰以2:2逼和巴塞隆拿，可以話贏盡掌聲，弊在佢哋鬧緊前鋒荒，周中歐聯分組賽主場對柏辛域陀尼亞，據講要用到18歲新仔根斯打前鋒，唔好話炒唔炒得起對手，袋唔袋得足3分都未知呀。

由於伊巴謙莫域、羅賓奴同柏圖分別受傷，柏圖更加係近2年第11次整親，搞到AC前線得卡斯辛奴（左圖）支撐大局，周中嘅歐聯，恩沙基同艾沙拉維冇註冊唔踢得，加上中場同樣傷兵滿營，報道話紅黑兵團被迫用根斯夥拍卡斯辛奴打正選，感覺都幾陰功，對住柏辛域陀尼亞未必有着數。


國米中場史奈達紮住鬥陸軍


至於國際米蘭作客對莫斯科中央陸軍嘅分組賽，就係新教練雲尼亞里上任後首場歐聯賽事，可惜佢哋同樣唔能夠夫添出戰，即使中場史奈達有機會紮住落場，新簽嘅科蘭就因為唔符合資格肯定缺陣，撞啱中央陸軍嘅日本國腳本田圭佑養緊傷，呢場唔似大手交易。