多蒙特利華歐聯雙龍出海

猪拉多纳

28/09/2011
文： SAMVO肥叔

今日繼續上演歐聯賽事，肥叔睇中兩支德甲球隊多蒙特同埋利華古遜，近年德甲水平不斷冒升，已取代意甲成為歐洲第三勢力，德甲球會最值得讚揚係非常重視歐洲賽，唔會好似意甲球隊咁蠱蠱惑惑，多蒙特今晚作客馬賽，肥叔睇好「蜜蜂兵團」多蒙特可反客為主，平手盤照捧！（周四凌晨2時45分開賽）




馬賽今季跌Watt跌得相當勁，聯賽僅排下游位置，上仗作客對華倫西恩斯，下半場踢少一人陷於苦戰，消耗極多體力，反觀多蒙特班後生仔勝在年輕有活力，佢哋闊別歐洲舞台多年，誓要幹一番大業，球隊上場擊敗緬恩斯氣勢唔錯，今場有機會再下一城。


利華蓄銳砌亨克


另一支德甲球隊利華古遜主場迎戰亨克，肥叔睇好上盤。亨克主力星散，實力大不如前，本土聯賽都未踢得掂，歐洲賽場更加惡唔出樣。利華古遜上仗慘吞拜仁慕尼黑三蛋，但明眼人一睇就知佢哋留有一手，決心踢呢場歐聯大戰，利華讓到球半、兩球照捧上盤。




英冠快車則睇好米杜士堡，米堡今季決心「衝超」，主場一定搏命，李斯特城雷聲大雨點小，受讓都咪制。