凱沙點頂史特加？

猪拉多纳

30/09/2011
文： 朱楓

今晚德甲凱沙羅頓主場對史特加，朱楓會捧史特加讓平半上盤，事關佢哋上場輸波後積極檢討博反彈，對住狀態、體力、鋒力三瓣都唔掂嘅凱沙羅頓，作客贏波有咩咁難？（有線61及201周六凌晨2:30直播）




史特加上場主場對住啱啱易帥嘅漢堡，其實上半場打得唔錯，點知下半場突然走樣，先搞到最後倒輸1:2，難怪中場古斯曼奴域賽後話勁唔抵，覺得球隊係輸自己。


史特加輸波睇帶檢討


為改善球隊弱點，教練拉巴迪亞喺啱啱個禮拜一，特別號召全體球員，睇番上場輸波嘅錄影帶，詳細分析球隊不足，之後仲拉大隊去訓練場進行實戰對策，當中養傷多時嘅後衞尼達美亞同畢卡錫都終於傷愈，恢復簡單操練，唔多唔少提升球隊士氣。


凱沙火力德甲包尾


上季表現令人驚喜嘅凱沙羅頓，今季多名主力離隊後實力大減，雖然前仗主場擊敗緬恩斯打開勝門，但上場作客禾夫斯堡，半場打多一個人最後竟然都輸0:1，唔多唔少反映凱沙班球員狀態同體能都麻麻哋，火力又唔係好掂。事實上，凱沙今季喺上季球隊首席射手拿傑離隊後，前場組織亂晒龍，暫時只入得5球，係全德甲入波最少球隊，加上今場仲有後衞施梅歷同韋利柯賓繼續缺陣，想保不敗唔係咁易！


橫數千軍


凱沙近戰旺開細




近6次主場對史特加獲1勝3和2負。

近8戰2勝2和4負，6場開細。

史特加連開5場單

近8戰4勝1和3負，連續5場開單。

前鋒夏歷近2場勁入3球。