超靚數據撐伊奧維

猪拉多纳

01/10/2011


博弈其實活生生在日常生活中，包括兩檔小販減價吸收顧客，又或者兩間超級市場推出唔同優惠畀師奶，而師奶之間如何從唔同渠道得知街市唔同檔口邊檔最抵，呢啲都係博弈，佢哋如何從買賣當中獲得最大利益，即使只減咗一蚊五毫，或者搭多一棵葱，都係博弈中嘅勝利。




博弈論就係將呢啲事數據化，仲有公式解釋點解師奶可以喺呢次博弈中攞到着數，賭博當然亦都係博弈，當然可以數據化。


精算師為大戶計晒數


外國有不少大戶，聘請精算師，將一場波數據化，包括場地、球員狀態、球隊近況、傷兵消息、領隊質素、管理層政策、天氣、盤路等一一化為數據，經過程式計算，將每日最好嘅場次交畀大戶，再由大戶最後扑錘邊場出擊。




呢班精算師喺呢場博弈當中係負責提供資訊，大戶係最終決策者，佢哋會睇埋莊家點樣開盤，揀選最有利自己嘅投X。




今日有英甲波亦有靚數據，伊奧維主場對貝利，兩支睇落都係近況差嘅球隊，但貝利作客唔掂之餘，而且自從射手賴恩路維喺九月底被挖走之後，球隊聯賽只得一和四負入兩球，成隊波散晒，伊奧維趁主場之利可以贏番場。