曼聯失球多買大好過

猪拉多纳

01/10/2011
文： 自由恒

曼聯上周畀史篤城摸和之後，周中歐聯更衰到同巴素利打成3:3，似乎後防不穩比起前線冇咗朗尼同「小豌豆」更令人擔心，今晚英超主場對住踢法同史篤城類似嘅諾域治，唔排除又會失波，讓球主客和「-2」就咪搞喇，3.5球大仲抵博。（有線200及300、廣東體育周六晚10:00直播）


諾域治撞得似史篤城


其實曼聯近仗無論以奧雲又或者韋碧克擔正，一樣能夠爭取入波，就算冇朗尼火力都一樣掂，之不過後防冇咗尼曼查維迪之後，防線就持續不穩，近仗擔大旗嘅菲爾鍾斯似乎仲未夠火候。對家諾域治聯賽兩連勝，似乎已經站穩陣腳，而且佢哋嘅衝撞型打法，同上周逼和紅魔嘅史篤城其實好類似，今仗絕對可以照辦煮碗，雖未至於可以令曼聯失分，但只要入番一粒，呢場波開大嘅機會就相當之高。




足球重心：曼聯（入球大）




馬膽推介：5場14 危險大軍




季初唔少熱門都係似是而非，都係揀番啲季內有過表現嘅馬，「危險大軍」開鑼日落重飛一攻而破，擺明就係大超班，升班孭少16磅，但對手實力未見得大幅提升，篤定連捷。