希杭低位反彈 主場對巴塞特別醒神

猪拉多纳

02/10/2011
文： SAMVO肥叔

畢爾包於歐霸盃獲大戶支持，結果飛到波到順利贏波，不過呢班波現時仲有唔少問題，今季於聯賽踢落表現麻麻，並非長捧對象，畢爾包今晚聯賽作客皇家蘇斯達，現時有得受讓，邊有咁筍吖，捧對家啦！而全日重心係希杭主場對巴塞隆拿，捧下盤兼顧入球大。




希杭現時排緊榜尾，不過呢班波唔係經常大敗，並非一無是處，而且於主場仲有多少戰鬥力，上季就曾主場一比一打和巴塞，前季亦只輸○比一，今次受讓超過兩球，由於「地上最強」上周中歐聯遠征白俄羅斯，點都有疲態，今場可博下盤，兼顧入球大，隨時雙殺。




（now 632及660周一凌晨2時直播）


莊家睇死阿仙奴


同日英超北倫敦打吡戰備受矚目，熱刺對住阿仙奴要讓波，呢個情況並不常見，盤口反映莊家繼續睇死「兵工廠」冇運行。睇番初盤投X情況，熱刺都有唔少早餐飛，就算讓波一樣獲得支持，明顯受到各界睇重，如果阿仙奴贏得，點會開呢個盤？今場一於睇盤做人，可以秤先熱刺。




另一場英超史雲斯主場對史篤城，史篤城近期表現好，但只限於主場，呢班波屬正宗客場蟲，今場莊家開平手盤，可以捧史雲斯。


肥叔心水


熱刺上盤

保頓 下盤

史雲斯 平手盤

希杭 下盤、大

皇家蘇斯達 上盤

馬德里體育會 上盤、大