|
|
02/10/2011
今場倒戈對AC米蘭嘅祖雲達斯中場派路，勢必成為賽事焦點，因為佢係畀AC教練阿里基逼走，過檔祖記後大打爭氣波，聞說AC高層就此事向阿里基詐型，今次派路倒戈，AC上下如臨大敵。
講番派路今夏轉會原來另有內情，派路嘅經理人話，當初係阿里基決定棄用派路，AC高層加利安尼考慮咗好耐，採取拖延方式同派路傾續約，卒之搞到續約失敗，派路轉投祖記。
睇住派路喺祖記愈踢愈醒，帶領祖記上埋榜首，反觀AC開季戰績麻麻，AC球迷同管理層都後悔放走派路，就連阿里基嘅教練團都認衰，怨當日放棄派路嘅決定過於草率。
對於今場如何看管派路，阿里基死撐話：「我們需要看管嘅球員好多，不止派路一個。」
至於派路就話冇諗過復仇：「復仇？我只渴望與祖記一起再生，唔存在復仇。」
祖雲達斯球場
地點：都靈
容量：約41,000人
建成年份：2011年
|
|
金睛卡
发表于 2011-10-2 11:12
变色卡
显身卡