主力被徵召紅牛銀河鬥殘陣

猪拉多纳

02/10/2011
文： 吉拿甸奴

嚟緊周末係國際賽期，周中靜英英夾埋都唔夠20場波，當中焦點賽事，必要數到周三朝早嘅美職大戰紐約紅牛硬撼洛杉磯銀河，又係亨利對碧咸嘛！




紅牛同銀河今朝都有美職要踢，勝負對季後賽排名有關鍵影響，銀河如果好彩的話，今朝就可以鎖定個常規賽冠軍位，剩番3場聯賽想佢哋搏命都幾難，所以今場落注前一定要睇清睇楚。事實上，銀河上個月係打緊地獄賽程，連埋中北美洲冠軍盃平均3日踢1場，難得有得抖，梗係畀班主力休戰。仲有係佢哋個愛爾蘭射手羅比堅尼（左圖白衫）今朝比賽後，就會飛返去祖家備戰歐國盃外圍賽，對紅牛就唔使預佢。




至於紅牛呢邊，以馬基斯為首嘅6名國腳級主力都分別被所屬國家隊徵召入伍，踢唔踢埋今場聯賽先去報到，要密切留意我哋嘅消息，不過馬基斯近排演出備受批評，紅牛冇佢或者仲好，兼且佢哋依家喺躋身季後賽席位邊緣，鬥志有保證o架！