美聯盃決賽 撐海灣者滅「火」

猪拉多纳

04/10/2011
文： 亨格比利

緊接住紅牛對銀河嘅美職大戰之後，聽朝仲有場美聯盃決賽守尾門，由西雅圖海灣者主場鬥芝加哥火燄。海灣者鎖定美職季後賽資格，全隊上下都可以集中火力爭盃，食住近期強勢有望締造3連霸歷史，一於捧1.67倍主勝。（開賽時間：周三早上10:00）




翻查歷史，從未有美職球隊試過締造美聯盃3連霸創舉，海灣者為創歷史同爭取中北美洲冠軍盃入場券，最近頻頻喺聯賽以輪換制抗敵，但一樣錄得3連勝佳績，當中射手費迪蒙迪路對上3仗就轟入4球，睇怕聽朝又係佢嘅Show Time。


玩埋英錦諾士郡


對家火燄嘅看守教練高洛柏斯都學人玩輪換，點知上場聯賽失分畀戴拿模之後，躋身季後賽任務大受打擊，最弊係首席射手奧杜奴仲因足踝受傷退下火線，連最鋒利嗰把尖刀都冇埋，憑咩阻住海灣者爭3連霸吖？




另外，今晚仲有一堆英格蘭聯賽錦標第2圈賽事，當中北部組嘅諾士郡同車士打菲特會合演一場地區打吡。諾士郡最近喺主場錄得4連勝，放咗監之後重新做人嘅李爾曉士更加係「士哥」停不了，對住陣容不整嘅車士打菲特可以秤先，1.7倍主勝值得捧場。（開賽時間：周三凌晨2:45）