鹿角出手搶盃

猪拉多纳

05/10/2011
文： 蘇豪

日聯盃八強戰展開，鹿島鹿角主場迎戰橫濱水手，鹿角聯賽冇得爭，疊埋心水於盃賽發圍。水手全力爭取日職冠軍，根本冇心情搶盃仔，結合今場莊家低開主W，盤口對辦，捧鹿角！




（周三晚6時開賽）


馬會睇好低開主Ｗ


鹿角本來唔多重視日聯盃，無奈球會今季於日職表現唔爭氣，現時已被榜首大阪飛腳遠遠拋離，為免引起球迷不滿，必定會盡力爭番個日聯盃補飛。




橫濱水手情況完全唔同，球隊今季鹹魚翻生，現時仲有機會爭聯賽錦標，就算贏唔到冠軍，起碼都要搶番個亞冠盃席位，為免節外生枝，未必有心爭日聯盃。水手本身班底唔算厚，主將中村俊輔成日有傷，幕後人肯定會錫住一眾主力，避免於爭冠關鍵時刻搏殘班兵。




今場普遍莊家開出鹿角讓平半，不過足智彩低開主W至1.88倍，明顯特別睇好鹿角。