黑山地獄主場穩操「勝」券

猪拉多纳

07/10/2011
文： 翁文成

歐國盃外圍賽今晚激戰連場，G組「一哥」英格蘭今晚造訪黑山，只要唔輸就可以攞到決賽周入場券，不過黑山嘅「地獄主場」絕對唔講得笑，對上6次喺波德戈里察出擊都唔使輸，加上該國足總賽前出動贏波獎金振軍心，要摸和「三獅兵團」唔係天方夜譚，信攤路同戰意寧捧黑山2.05倍「讓球主勝」。


（now660及632台、廣東體育周六凌晨3:00直播）


先講G組形勢，揸住17分嘅英格蘭攞多1分就篤定出線，對家黑山若果砌低英格蘭，而另邊廂嘅瑞士失分畀威爾斯，咁佢哋就可以攞到附加賽資格，戰意唔會比英格蘭低。賽前黑山足總宣布，今仗能夠贏波嘅話，每位球員可以淨袋13萬5,000鎊（約162萬港元）獎金，咁大支強心針打落嚟，班手足仲唔搏埋條老命咩！

三獅兵表現欠說服力

上年10月黑山作客英格蘭打成0:0，去到溫布萊踢得一啲都唔失禮，今次輪到黑山返到主場，雖然波德戈里察城市球場坐得17,500人，但呢度出名係「地獄球場」，觀眾席同球場距離超近，往往都為客隊球員帶嚟唔少壓力。


英格蘭陣中粒粒皆星，齋計牌面當然喺黑山之上，不過「三獅兵團」往往被秤先就令人失望，早前主場同瑞士打和，上輪對住威爾斯亦只係贏得1粒，演出唔夠說服力。況且自從朗尼傷愈之後，表現明顯跌Watt，對住6場外圍賽只係失咗3球嘅黑山，確實有失分危機。睇埋攤路，黑山對上6次喺波德戈里察出擊都保持不敗，呢鋪一於再追。

黑山連續6場主場未輸過

日期 賽事 戰果

11/06/05 歐國外 1:1和保加利亞

11/03/26 友誼賽 1:0勝烏茲別克

10/11/17 友誼賽 2:0勝阿塞拜疆

日期 賽事 戰果

10/10/09 歐國外 1:0勝瑞士

10/09/04 歐國外 1:0勝威爾斯

10/08/12 友誼賽 2:0勝北愛爾蘭

橫數千軍

黑山地頭少失波

‧近6場主場賽事只係失咗1球。

‧近4場主場所入嘅5球全部來自上半場。

英格蘭上次對賽交白卷

‧對上1次同黑山交手互交白卷。

‧同黑山一樣屬G組失波最少隊伍，迄今只失3球。