惡客智利唔赦阿根廷

猪拉多纳

07/10/2011
文： 阿占

等到頸都長，世界盃南美洲區外圍賽終於開波！勁旅阿根廷頭炮就要硬撼智利，雖則阿根廷有「球王」美斯在陣，但美斯踢國家隊同踢巴塞時好似兩個人咁，連美斯自己都叫國家隊唔好旨意晒佢，偏偏阿古路同泰維斯又唔踢得！聽朝對住實而不華嘅智利，分分鐘「瀨嘢」，冷敲智利「讓球客勝」一啲都唔過分！（有線61及201周六早上7:10直播）


阿根廷今夏喺美洲國家盃慘淡收場，結果巴迪斯達帥位不保，接手嘅沙貝拉只係教過3場。佢除咗帶熱身賽贏過尼日利亞外，之後兩鬥巴西只得一和一負。雖然話沙貝拉呢3場試陣居多，但阿根廷自美洲國家盃後士氣一直低沉，加上試陣未掂，聽朝再上戰場，真係戥佢牙煙。

泰維斯 阿古路缺陣

論班底，阿根廷超晒班，可惜有名氣唔代表有表現，美斯喺國家隊一直表現麻麻，畀阿根廷球迷批評佢唔肯為國賣命，搞到美斯賽前都話球隊唔應該靠晒佢。最弊佢拍檔泰維斯因畀曼城雪藏，搞到無態落選；阿古路又因傷多數缺陣，加埋防線一向唔掂，阿根廷問題真係一籮籮！


對手智利雖然都有王牌阿歷斯山齊士因傷缺陣，不過喺國內聯賽爆出嘅「新山齊士」伊度亞度華加斯實力唔錯，而喺美洲國家盃期間畀球迷鬧到幾乎要退出國家隊嘅漢拔圖蘇亞素，今場候命上陣，實要爭番啖氣。智利踢法機動，攻守兼備，隨時擊敗阿根廷，嚇球迷一跳！

橫數千軍

阿根廷半場硬淨


‧近8場3勝4和1負，半場未試過落後。

‧近6次主場對智利不敗，獲3勝3和。

智利冇頭威

‧近8場2勝3和3負，半場只試過1次領先。

‧世界排名14，比排第10嘅阿根廷低4位。

頂占筍盤：「讓球客勝」

有線球彩台主持阿占

電郵：soccer64@cabletv.com.hk PHONE波熱線：1831 678

「球彩俱樂部」開放時間：周五晚10:30至11:50