賠率有路捉：風度翩翩W飛古怪

猪拉多纳

　　今日係本季首次跑十一場賽事，飛數話畀大家聽，大熱門幾穩陣，事關除咗第二場嘅飛數比較亂，其他都正路，當中第一場「幸運金龍」同第十場「金鎸龍華」好似未跑都知贏梗咁，隔晚W維持喺2倍以下，真係咁堅？

　　第二場飛數亂，怪飛馬當然喺度搵，結果發現「風度翩翩」獨贏賠率唔多對勁，呢匹馬一向好奇怪，除咗首場新馬落地有53倍，其餘一律唔理上仗輸近輸遠，再出獨贏賠率都好似框好晒咁，徘徊喺12至26倍之間，惟獨今次季內初出，隔晚W竟然曾得7.1倍，投X者究竟係巫斯義嘅粉絲？定係「風度翩翩」真係得？好難答你，不過如果佢開跑前仲未回到10倍以上，真係要試。

韋達騎師王穩陣

　　騎師王方面，韋達騎足十一場，得1.7倍好正常，跟得最貼嘅柏寶都有3.3倍咁多，睇嚟好難威脅達少。

周仲