鹿角補過魚翅

猪拉多纳

09/10/2011
文： 蘇豪

日聯盃四強戰頭場名古屋鯨魚主場對鹿島鹿角，鯨魚中前場多位主將缺陣，陣容天殘地缺，上圈苦戰擊敗新潟天鵝，贏得非常驚險，今次硬撼鹿島鹿角冇咁好彩，讓波絕對信唔過，要「讓球客勝」。（周日中午12時開賽）




鯨魚進攻重心約舒亞堅尼地入選澳洲大軍，左腳王藤本淳吾亦獲得日本徵召，無緣於今場披甲。大軍同時受傷兵問題困擾，中場丹尼臣哥度巴及射手玉田圭司都要休戰，多位攻擊主力不在陣中，火力肯定大減。鯨魚上周中對新潟天鵝踢到加時先贏波，小將永井謙佑擔起進攻重責，但此子鋒芒太露，肯定會成為鹿角後防重點盯防對象，一旦被對手凍結，鯨魚隨時陷入苦戰。


對賽往績壓鯨魚


另一邊廂鹿角聯賽冇得爭，踢盃賽鬥志高昂，上圈對橫濱水手半場落後兩球，最終都能逼和對手，之後再於加時贏埋，盡顯強勁鬥心。球隊只有增田誓志入選日本國家隊，影響唔算好大，人腳相當完整，大軍決心爭盃，戰意一流，對住鯨魚絕對有得揮。計晒聯賽及盃賽，鹿角近六次對鯨魚只輸一場，都算剋住對手，今場受讓着數，可博「讓球客勝」。