C朗拿尼抖夠殺敵

猪拉多纳

11/10/2011


有消息指葡萄牙兩大焦點球星C朗及拿尼之前對完冰島後缺操，好多人都擔心二人因傷缺席今場對丹麥嘅生死大戰，但兩位球星喺賽前記者會向球迷大派定心丸，表示缺操係領隊保羅賓度刻意安排，目的係畀佢哋有充足時間休息，養精蓄銳為國家隊爭出線。




其實葡萄牙足總好重視C朗，特登派個醫生陪佢做簡單運動，之後仲要每日為C朗作身體評估報告。葡萄牙足總咁緊張都難怪，全因陣中已有比比及法比奧干查奧受傷，卡維奴亦已被逐出國家隊。若果再冇埋領軍人物C朗，對於葡萄牙爭取出線資格會構成影響。