迪斯高食過翻尋味

猪拉多纳

11/10/2011


波斯尼亞能否一舉殺敗法國搶走對方直接出線資格，前鋒迪斯高一定係關鍵人物。呢名多產射手今季球會代表作嘅對手，正正就係法國中堅卡保奧，所以佢好有信心可以再喺對方領導嘅防線上取得士哥。




迪斯高今季喺英超曼城作客對熱刺時曾食出大四喜，當時負責「嘜」佢嘅係法國中堅卡保奧，迪斯高話呢場係佢加盟曼城之後踢得最好嘅比賽，希望今場再對卡保奧能夠繼續有好表現：「相信賽前冇人估到曼城作客熱刺會贏五比一，波斯尼亞作客擊敗法國有乜咁出奇呢？法國係出線熱門，背負嘅心理包袱亦比我哋大，呢點係我哋爭勝嘅優勢。」