飛腳喪攻魚腩大顯身手

猪拉多纳

12/10/2011


天皇盃第二圈賽事是日再度上演，日職一哥大阪飛腳主場對非聯賽（JFL）一哥佐川急便滋賀。睇番之前賽日成績，次級球隊並非全無爆冷機會，不過佐川急便滋賀今次撞正「喪攻王」大阪飛腳恐怕凶多吉少，入球大細中位數改為3.5球，照捧大盤！




（周三晚6時開賽）




睇番已舉行天皇盃次圈戰績，福岡大學爆大冷互射十二碼淘汰日職球隊大宮松鼠，第三級別JFL球隊高崎藝術作客川崎前鋒法定時間內都頂得住，反映弱旅並非死硬。不過，次圈亦有唔少大手交易戰果，包括神戶勝利船以八比○狂數三洋電機洲本，以及東京綠茵大勝長崎成功丸七比一等。今日又有八場賽事，全屬日職球隊主場對低組別對手，莊家只開一場，到底是否有詐？


佐川急便滋賀未夠班


佐川急便滋賀今季於JFL表現突出，目前位列榜首，作客勝出率甚高。不過，JFL水平又點可以同日職比呢，既然日乙球隊東京綠茵都可狂數JFL前列分子長崎成功丸，今次換轉由日職勁旅大阪飛腳對住佐川急便滋賀，雙方實力差距更大。飛腳今次面對弱旅，未必會派最強人腳出戰，但二線兵平井將生及佐佐木勇人同樣有質素，贏波唔成問題，大炒對手機會亦高，捧大最好！