馬會開1.77倍全球最辣

猪拉多纳

15/10/2011


今日交易現場帶大家去一個較為陌生嘅地方，就係法國乙組聯賽。呢個聯賽對香港嘅朋友嚟講可能唔太熟悉，但喺歐洲方面，一早已有唔錯嘅投X額，主要原因係法乙較多場次安排喺周五晚舉行，同時間又冇乜波踢，故能夠吸納一班固定捧場客。




今日有場法乙獨腳戲，就係巴斯蒂亞主場對朗斯（周六晚8時30分開賽），有留意開法國波嘅朋友，相信對呢兩隊波有啲印象，因為兩隊都曾經係法甲球隊，而且朗斯更被譽為法國三大球會之一，可惜近年由於債台高築，加上經營不善，朗斯成績不斷沉淪，目前喺乙組亦只能排喺中下游位置。


近期主勝率高達80%


如果以季初嘅表現，巴斯蒂亞係行內一致認為有力「衝甲」嘅球隊。目前排第三嘅巴斯蒂亞，最厲害嘅地方就係主場威力，佢哋過去十場主場取得八勝二和佳績，勝率高達80%。反觀朗斯不擅作客，今季四場作客輸咗三場，難怪唔少大戶都睇好巴斯蒂亞，早餐飛已有落飛手影。




睇番目前市場嘅最新走勢，主W平均賠率為1.91倍，部分主要莊家好似偉德由1.9倍下調至1.83倍，不過都唔夠馬會開得辣，主W僅得1.77倍，喺全球主流菠菜市場嚟講屬於極低價位，值得大家留意。