史篤城升呢揸得過

猪拉多纳

15/10/2011
文： SAMVO肥叔

經過國際賽周後，各大聯賽又回歸，足智彩開埋法乙同荷乙，對菠菜者嚟講絕對係好事，唔係話鼓勵人賭博，而係畀大家有更多選擇。莊家開盤唔代表你一定要玩，如果唔識千祈唔好亂買。今時今日各地莊家開盤賽事多到你唔信，連歐洲多國U21比賽都有得玩，今次開多兩個聯賽，唔使大驚小怪嘅。




講番今次重心推介，捧史篤城！史篤城今晚主場對富咸，史篤城主場有幾犀利，相信唔使浪費時間介紹，呢班波今季全面「升呢」，今次個盤硬淨到不得了，以往對富咸頂多讓平半，今場讓到半球，足智彩主勝賠率跌破2倍大關，真係唔講得笑。如果大家信任操盤手眼光，可以一齊玩番多少史篤城。（有線201及301台周六晚10時直播）


諾域治讓得辣嚟料


同日諾域治主場對史雲斯，驟眼睇以為係英冠賽事，其實呢場係英超升班馬大戰。諾域治季初戰績唔錯，今次對住史雲斯讓到半球，飛數絕不簡單，睇落似層層，呢隻上盤值得留意。




另外，韋根主場對保頓，今季兩隊波都唔掂，被唔少行家視為降班熱門，佢哋實力同攻力欠奉，水鬥水睇怕都係悶戰一場，玩入球細最好。


肥叔心水


慕遜加柏平手盤




阿士東維拉下盤

諾域治上盤

史篤城上盤

韋根細

基達菲上盤

馬略卡下盤

車路士上盤