美羅弗爆捧普雷斯頓客Ｗ

猪拉多纳

15/10/2011
文： RICHARD WELBING

唔少有英超經驗嘅球員，落到英冠及英甲總有好表現。雖然呢類「降格」球員多係老退或受過傷患影響，但經歷英超高強度鍛煉後，戰鬥力必比一般職業球員優勝，今晚英甲華素爾主場對普雷斯頓，客隊前鋒美羅係最佳例子。呢位前利物浦前鋒現已成為普雷斯頓主打射手，今晚有望協助球隊贏波，客W賠率高可捧。




（周六晚10時開賽）


華素爾九月起未贏過


美羅今季狀態弗得好緊要，剛啱更贏得九月份最佳球員。獲獎唔只對球員表現認同，亦有助球員提升信心，相信美羅本月會繼續發揮射手本色，協助球隊挑戰積分榜更高位置。另外，門將伊恩端納已喺預備組復出，康復進度令人滿意，今晚有望替普雷斯頓把守最後一關。




華素爾自九月起就未贏過，球員已出現信心危機。據悉球會已準備向領隊甸恩史密夫「開刀」，球隊走勢實在太差，就算主場出擊都唔睇好。