洪禮賢講馬:正榮好球威騰駒更捷勝 好友福多采多姿超皇鷹齊歡笑

猪拉多纳

更具冠軍相，此兩廐唔應該冇着落。

重心場次:第6場 第四班（60-40分）1400米

　　「銀飛龍」初出喺直路遲撻着後勁，狀態和走規未足之外，路短亦係原因。眼見臨尾拍跳過馬氣勢強，走勢轉趨淡定，以此際進度應付1400米，應可勝任。

　　「好好機會」及「多利皇」，同樣面對要增程問題，此程再跑落去，能力值會漸下降。「雪米糍」埋門拍跳，已不再似之前兩場要大力迫，但依然冚贏同試馬，此際狀態已勇，係擔心今次步速唔快，令佢難留及難追。

　　「搖滾雄豐」論實力比起前幾駒略遜，係跑狀態及形勢。「翔龍」初出第五，惟直路三番四次內斜，好在復課後進展幾好，試跑聽話、回程淡定，省完1場明顯進步。

　　
第1場 第五班（40-10分）2000米
　　

　　「綠駿群英」及「森林活泉」，由谷轉田，絕對係好事，有權大幅提升表現。「步如飛」初出如非直路遇意外，斷唔會只得第五名，而根據血統，跑長200米仲好。

　　「恒運財星」又有機會獨自領放，如開氣後令貫注更強，或有一席。「威陽」此程氣量未必唔夠，4檔預咗仍好跑，或可連捷。「朗天」最唔好係直路一騎就閃，如1檔輔助到，唔係冇資格爭P。

　　
第2場 第四班（60-40分）1000米
　　

　　「風動寶」上場同程在不利跑線都有P，今仗4檔及轉賽道，多少對發揮有助。「好歌」剛與前駒同場，唔係遲遲先搵到位，應更有威脅，希望呢次又排外檔唔會又遇阻礙。

　　「永旺家」夠快兼外檔，賽事環境好。「好中煌」唔係喘鳴症問題，四班幾難有對手。「健康精英」爭直路賽好得多，不過，暫時仍未熟，純跑速度，睇吓放唔放得到尾。

　　
第3場 第四班（60-40分）1800米
　　

　　「正榮」誤打誤撞，上場後追仲勁（因出閘慢焗喺後），今仗換人及增程，如何發揮唔知，但按上賽走勢，狀態已跑起。「好球」跨季演出仍準，轉場亦冇問題。

　　「威騰駒」汲取上場太蝕取位，寄望都爾藉今仗2檔，處理會唔同，至於加程自然有利。

　　「萬子千紅」既然急口，除罩係好事。「更捷勝」轉型成功，可塑性高，或再進一步展現出更強能力。

　　
第4場 第四班（60-40分）1200米
　　

　　「同感」初出因外檔，沿路處境奇差，仲保到殿軍算叻，今仗1檔，環境唔同晒，有番與「友瑩果」串Q水準，贏得。「明海光輝」肯放頭跑，四班係一線馬，而睇近況，夠晒有凸。

　　「超綵」係冇晒上場天然優勢，但對手太多唔掂，唔係跑得太差，尚有P望。「勁綵」早前試谷閘，直路頭一畀有反應，柏寶即收手，之後拖到實過終點，走勢討好。

　　
第5場 第三班（80-60分）1200米
　　

　　「爪皇盛水」與「飛燕」同試大閘，各有好走勢。如果前駒唔係又慢閘，三班負磅不太重，好惡。後駒近試尚嫌肥少少，跑質睇吓掃唔掃得晒。

　　「精彩生輝」正值當打期，1200至1400米同樣具威力。「深智能業」朝早舉止冇以前咁神化，希望係好事。「跑得叻」冇內檔，喺田草長期畀人蝦，加上，現評61分，還是退一步海闊天空。

　　
第7場 三級賽（115-90分）1800米
　　

　　「卡達聖」及「曬冷王」，熱身之後加程，實力大幅提升，咪區分主副身份。

　　「人人興旺」見識過上季韋達可以騎出更高境界，初跑此程都咪睇小。「一言為定」輸級數；「家樂飛」長力未知，只宜作腳。「沙貝利」最後試跑時，雨中走過爽夾醒，已跑兩場終加程，大冷在此。

　　
第8場 第三班（80-60分）1400米
　　

　　「陽明飛飛」計往績，至少二三十分未兌現，休出只要交到七八成，已經夠入位。「勁力」及「太陽海岸」，認定三班超，希望前駒做好留放（亦唔好再喺直路被撞），後駒唔好跟得太前，則大有上名資格。

　　「川河名駒」大閘、拍跳唔錯，冇點證明過能力，隔夜仲冷到震，不過，早課見好，唔想錯過。「人人醒」嫌大閘去到尾段，畀落唔夠反應。

　　
第9場 第三班（85-60分）1600米
　　

　　「智多飛」撞啱1場冇馬放場合，只要唔係自己又慢，易於帶出，如步速控制得宜，或放到。

　　「自由港」和「精奇」，剛賽唔係直路受到唔同程度意外，成就會更好，一對馬轉到此程，應對發揮有助。

　　「印度光輝」及「頭盤」，前駒因位好，易順應形勢，路稍短亦可克服。

　　
第10場 第二班（100-80分）1400米
　　

　　「好友福」級數在二班夠晒，重磅又唔怕，而此程唔會比1200米失色。「多采多姿」揀開而贏開，繼續跟。

　　「齊歡笑」初出閘前發晒癲、直路又兩頭片，咁都差啲有P，起步分幾筍。「超皇鷹」上場直路塞死，名次唔使理，預期轉場及加程，隨時會唔同晒。

　　「甜橙」係蝦季內初出，前景則秀麗。「皇龍戰駒」4檔如早段楔得靚，可能入到前幾名。「喜蓮標緻」最睇唔透，建議先拖一注。