祖記兵疲基爾禾「+1」開餐

猪拉多纳

16/10/2011
文： ComboKing

現今足球賽事頻密，除咗要留意歐聯分子會否留力之餘，亦要提防「FIFA病毒」，有唔少勁旅球員早前剛為國家隊作賽，隨時出現疲態。意甲祖雲達斯單計土炮，已有六人入選意大利國家隊，大部分外援亦有份踢國際賽，小心佢哋腳仔軟，祖記今晚作客基爾禾，阿King寧捧有1.72倍受讓嘅基爾禾「讓球主勝」。




（周日晚9時開賽）




祖雲達斯今季成績好，陣中主將自然成為國家隊骨幹，意大利日前出戰歐國盃外圍賽，就召入六位祖記球員，老將派路、保方、基亞連尼及巴沙利都搏足兩場，近況大勇嘅中場馬治斯奧更不慎扭傷，雖然傷勢不嚴重，但亦會影響發揮。外援卡錫、維達爾、列治史迪拿上周中都有份踢國際賽，祖記班主力近排仲辛苦過擔泥。


科特布斯後防散晒捧對家


基爾禾今季演出令人驚喜，主場不敗之餘，仲贏過同祖記實力相若嘅拿玻里，今仗就算未能全取三分，但要力保不敗應該唔難，受讓抵玩。另外，德乙方面亦有好嘢，科特布斯防線崩潰，近四仗竟然共失十四球，今次作客FSV法蘭克福，平手盤要FSV。特雷斯登同樣失波多，但勝在攻力亦佳，主場對亞琛，可捧入球大。