超皇鷹W飛有異象

猪拉多纳

　　噚日睇飛，好幾場曾成為大熱門嘅馬，唔係谷草跑近轉過嚟，就係冇優秀近績可言，第五場蔡廐「飛燕」都話配韋達有一檔，新馬唔知開邊瓣，但第十場曾分別成為大次熱門嘅「超皇鷹」同「喜蓮標緻」真離奇，後駒都話季內初出，博有進步；前駒嘅飛數，真係難解。

　　故此，怪飛馬當然揀呢匹「超皇鷹」試一試，佢在港征戰三次，次次唔同路程，得閒玩吓1800米馬拉松，得閒又跑吓谷草1000學轉急彎，跑得唔好理所當然，三仗嘅最後賠率亦徘徊喺34至99倍，何解今次曾成為大熱門，W一度得5.4倍，P得1.6倍呢？應該同佢喺外國贏嗰兩仗都喺1400米有關，要拖一票。

　　韋達騎足十場抵博

　　騎師王方面，韋達再次騎足十場，但今次賠率顯得硬淨好多，只得1.7倍，睇嚟會搏到甩髀，信佢。周仲